2015 jyly Qazaqstanda joǵary jyldamdyqtaǵy ınternetpen elimizdiń aýmaǵy 100% qamtylady
ASTANA. 29 sáýir. QazAqparat - 2015 jyly Qazaqstanda joǵary jyldamdyqtaǵy ınternetpen elimizdiń aýmaǵy 100% qamtylady, qoljetimdilik jyldamdyǵy damyǵan memleketter deńgeıinde bolady, dep habarlady QR Baılanys jáne aqparat mınıstrliginiń baspasóz qyzmeti.
«Atalǵan tapsyrmany Baılanys jáne aqparat mınıstrligi telekommýnıkatsııalyq kompanııalarmen birige otyryp josparly túrde, «Jol kartasyna» saı iske asyrmaq.
IKJQ (Internetke keń jolaqty qoljetimdilikti) damytýǵa baǵyttalǵan is-sharalar jospary WiMax jáne FTTH, CDMA-450, 3G jáne LTE tehnologııalaryn qoldaný arqyly júzege asyrylatyn bolady.
Baılanys jáne aqparat mınıstri Asqar Jumaǵalıev, «Atalǵan kórsetkishke qol jetkizý jolynda Mınıstrlik telekommýnıkatsııa operatorlaryna barynsha qoldaý kórsetýge nıetti» - dep aıtyp ótti.
Aýdan ortalyǵynan bastap oblys ortalyǵyna deıingi barlyq eldi-mekender 3G, WiMax jáne FTTH tehnologııalary arqyly, al kishigirim eldi-mekender CDMA-450 jáne LTE tehnologııalary arqyly Internetke keńjolaqty qoljetimdilikpen qamtamasyz etiletin bolady», - delingen habarlamada.
«Qazaqtelekom» AQ Basqarma Tóraǵasy Qýanyshbek Esekeevtiń aıtýynsha, «IKJQ -ti damytý jobasyn júzege asyrýdyń arqasynda 2014 jyldyń sońynda abonentterdiń joǵary jyldamdyqtaǵy Internetke qoljetkizýi álemdegi ozyq elderdiń deńgeıindegideı bolmaq».
Qalalyq abonentter úshin 100 Mbıt/s, aýyldyq abonentter úshin 20 Mbıt/s-ti quraıtyn porttyq jyldamdyqqa qol jetkizetin bolamyz. «Porttyq jyldamdyq» dep jeliniń tehnıkalyq múmkindikterin aıtamyz. Internetke qosylýdyń ortasha jyldamdyǵy qalalyq abonentter úshin 20 Mbıt/s, aýyldyq abonentter úshin 10 Mbıt/s quraıtyn bolady.
QR Internet jelisine keń jolaqty qoljetimdilik qyzmetin údemeli ınnovatsııalyq baǵytta damytý maqsatynda «Qazaqtelekom» AQ 2011-2014 jyldar aralyǵynda Astana, Almaty jáne elimizdiń barlyq oblys ortalyqtarynda jalpy kólemi 576 portty quraıtyn optıkalyq jeli qurylysyn salýdy josparlap otyr. Buǵan qosymsha optıkalyq jeli qurylysy salynyp, málimetterdi berý magıstraldi jelisi jańǵyrtylady, syrtqy qosylý kólemin arttyrylatyn bolady. Osy josparlanǵan is-sharalardy júzege asyrý jumystarynyń nátıjesinde 2015 jyldan bastap qalalyq jáne oblys ortalyǵyndaǵy abonentterdiń ınternetke ortasha qosylý jyldamdyǵy 100 Mbıt/s (porttyq jyldamdyq) jetetin bolady.
2014 jyldyń aıaǵynda aýyldyq jerlerge jyldamdyǵy 0,5 Mbıt/s bolatyn Internetke keń jolaqty qoljetimdilik qyzmetin usynýdyń arqasynda ony paıdalanýshy abonentterdiń qataryn 80 myńnan asyrý, sondaı-aq EVDO tehnologııasy arqyly qoldanystaǵy CDMA-450 jelisin jańǵyrtý josparlanýda. Aýyldyq jerlerge Internetke keń jolaqty qoljetimdilik qyzmetin usynýmen qatar, jyldamdyqty 20Mbıt/s deıin jetkizýge jáne bolashaqta jyldamdyqty arttyrýǵa múmkindik beretin jelini symsyz tehnologııa negizinde damytý múmkindikteri de qarastyrylýda.
