2015 jyly Qazaqstanda jańa avtobýstar úlesi artty
ASTANA. QazAqparat - Qazaqstanda avtobýs parkin jańartý boıynsha naqty jaǵdaılar jasalýda.
«Tasymaldaýshylardyń jyljymaly quramyn jańartýynyń naqty sharttary zańnamamen bekitilgen, ony saqtaý sharty oryndalǵanda konkýrssyz baǵytta qyzmet kórsetý kelisimi 10 jylǵa uzartylady. Bul shara tasymaldaýshylarǵa uzaq merzimdi nesıe jáne jańa avtobýstardy satyp alýǵa lızıngtik sharttardy rásimdeýge múmkindik berdi. Mysalǵa 2014 jyly 740 avtobýs, al 2015 jyldyń 9 aıynda 1000-nan asa jolaýshylar kóligi satyp alyndy», - delingen QR IDM baspasóz qyzmetiniń málimetinde.
Atap aıtqanda, 2015 jyldyń aıaǵyna deıin Qazaqstanda tasymaldaýshylardyń shyǵyndaryn sýbsıdııalaý jáne tarıf túzýdiń erejeleri jetildiriledi. Sondaı-aq, turaqty jolaýshylar kóligi baǵdarlarynda tozǵan avtobýstar úlesin 75 paıyzdan 70 paıyzǵa deıin qysqartý josparlanǵan.
