2015 jyly Qazaqstanda tarıftik saıasat ózgeredi
ASTANA. QazAqparat - Kelesi jyldan bastap, Qazaqstandaǵy barlyq tabıǵı monopolııalar sýbektileri 5 jyl merzimge uzaqmerzimdi tarıfterdi quryp otyratyn bolady.
Bul týraly búgin Astanadaǵy Ortalyq kommýnıkatsııalar qyzmetinde ótken brıfıngte Tabıǵı monopolııalardy retteý agenttiginiń tóraǵasy Murat Ospanov málim etti.
Aıta keteıik, búgin Úkimet otyrysynda tarıftik saıasatty jetildirý taqyryby qaraldy.
«Investorlar ınvestıtsııalyq jobany iske asyrý barysynda tarıfterdiń ózgerýi táýekelderine tap bolady. Osyǵan baılanysty jańa tarıftik saıasatty retteýdiń uzaqmerzimdi ólshemderin engizý qarastyrylǵan. 2015 jyldan bastap, Qazaqstandaǵy barlyq tabıǵı monopolııalar sýbektileri 5 jyl merzimge uzaqmerzimdi tarıfterdi quryp otyratyn bolady. Oǵan qosa, tarıfterdiń quny joǵarylamaıdy», - dep atap ótti ol.
Onyń aıtýyna qaraǵanda, jańa ádister tarıfterdiń boljaldy bolýyn qamtamasyz etedi. Osylaısha elge kelýge nıet tanytatyn ınvestorlardyń sany artady. Sonymen qatar eldiń básekege qabilettiligin arttyrýǵa tabıǵı monopolııalar sýbektileriniń tıimdi isteýi tikeleı áser etedi.
