2015 jyly Qazaqstanda onkologııalyq skrınıngter aıasynda eresekter arasynda 1,5 mıllıonnan astam tekserý júrgizildi
Shara sheńberinde medıtsınalyq-sanıtarııalyq alǵashqy kómek uıymdarynda jáne onkologııalyq dıspanserlerde ashyq esik kúnderi uıymdastyrylady. Azamattar tegin medıtsınalyq tekserýden ótip, beıindi mamandardyń keńesin ala alady.
Onkúndiktiń maqsaty - onkologııalyq aýrýlardyń aldyn alý jáne erte kezeńde anyqtaý máselelerinde turǵyndar men medıtsınalyq qyzmetkerlerdiń habardarlyǵyn arttyrý, sondaı-aq skrınıngtik tekserýlerden ýaqtyly ótýdiń qajettigi jóninde halyqty aqparattandyrý bolyp tabylady.
Bul baǵyttaǵy is-sharalardyń barlyǵy óńirlerde 1-10 aqpan aralyǵynda ótkiziledi.
«Onkologııalyq aýrýlarmen kúresý - QR densaýlyq saqtaý júıesiniń basym baǵyttarynyń biri bolyp tabylady. Otandyq densaýlyq saqtaý uıymdarynda obyrdy dıagnostıkalaý jáne emdeýge qajetti barlyq ozyq tehnologııalar bar. Ásirese, aýrý erte kezeńde anyqtalǵan jaǵdaıda naýqas úshin obyrdan tolyqtaı aıyǵyp ketýge múmkindik bar. Skrınıngtik medıtsınalyq tekserister qaterli isiktiń aldyn alýda jáne erte kezeńde anyqtaýda eń tıimdi tásil bolyp tabylady. 2015 jyly respýblıkada onkologııalyq skrınıngter aıasynda eresek turǵyndardyń maqsatty toptaryna 1,5 mıllıonnan astam tekserý júrgizilgen bolatyn»,-delingen QR Densaýlyq saqtaý jáne áleýmettik damý mınıstrliginiń málimetinde.