2015 jyly Qazaqstanda negizgi jobalar boıynsha 450 shaqyrym jol salyndy
«Ótken jyly avtojol jobalaryn júzege asyrýǵa 300 mlrd. teńgege jýyq qarjy bólindi. Jumystar 8 joba boıynsha júrgizildi. Bul turǵyda «Batys Eýropa-Batys Qytaı» negizgi jobasy, «Ortalyq-Ońtústik», «Ortalyq-Batys», «Almaty-Óskemen», «Astana-Petropavl», «Aqtóbe-Atyraý» jáne «Oral-Kamenka» joldary qamtyldy. Jóndeý jumystarymen 2 myńǵa jýyq avtojol qamtylyp, oǵan 70 myńnan astam adam jumyldyryldy. Onyń ishinde 80 paıyzyna jergilikti halyq tartyldy», - dedi A. Bekov.
Onyń aıtýynsha, jobalarda qoldanylǵan qurylys materıaldarynyń 93 paıyzy otandyq óndiristerden alyndy. Jol bıtýmyn Qazaqstannyń 4 zaýyty, al tsementti otyndyq 10 zaýyt jetkizip turdy.
Jalpy, 2015 jyldyń qorytyndysy boıynsha negizgi jobalar aıasynda 450 shaqyrym jolǵa qurylys jáne qaıta jańartý jumystary júrgizildi.
«Aǵymdaǵy jyly buryn bastalǵan jobalarda jumystar jalǵasatyn bolady. Jumystarmen qamtylatyn avtojoldyń uzyndyǵy 1,7 myńnan astam shaqyrymdy quraıdy. 2016 jyldyń qorytyndysy boıynsha «Batys Eýrpa-Batys Qytaı» kólik dáliziniń tolyq boıynda qozǵalysty ashý josparlanyp otyr», - dedi ol.
Sonymen qatar «Beıneý-Shetpe», «Astana-Temirtaý», «Qapshaǵaı-Taldyqorǵan» ýchaskeleri boıyndaǵy barlyq joldardy ashý jáne Ertis arqyly ótetin kópirdiń qurylysyn aıaqtaý kózdelgen. Barlyǵy, uzyndyǵy 1 myń shaqyrymǵa sozylǵan joldarda qozǵalys ashý josparlanǵan.
