2015 jyly Qazaqstanda qyzylshamen syrqattaný deńgeıi 13 ese ósti

ASTANA. QazAqparat - Qazaqstanda 2015 jylǵy 1 toqsanynda aǵymdaǵy jyldyń uqsas kezeńimen salystyrǵanda qyzylshamen syrqattanýshylardyń sany 13 esege ósti. Epıdemıologııalyq jaǵdaıdyń órshýimen qatar syrqattanýshylyqtyń ósýiniń negizgi sebepteriniń biri egýdi toqtatý bolyp otyr. Bul týraly QR Densaýlyq saqtaý jáne áleýmettik damý mınıstrliginiń baspasóz qyzmetinen habarlady.

Aǵymdaǵy jyldyń 3 aıynda qyzylshamen syrqattanýdyń 1121 jaǵdaıy tirkelgen, al 2014 jyly 84 jaǵdaı.

Sońǵy 3 jylda qyzylshamen syrqattanýshylyqtyń epıdemıologııalyq jaǵdaıynyń órshýi búkil álemde baıqalady. ıAǵnı, Batys Eýropada qyzylshanyń 100 myńnan asa jaǵdaıy, TMD elderinde (Reseı Federatsııasy, Grýzııa, Qyrǵystan) - 14 myńnan asa jaǵdaı tirkelgen.

Aǵymdaǵy jyly 4 naýryzda Astana qalasynda ótken Eýropa aımaǵyn qyzylshaǵa qarsy ımmýndaý máselesi boıynsha dóńgelek ústel sheńberinde sóz sóılegen pedıatrııa bólimi jáne Ispanııadaǵy Santıago juqpaly aýrýlar ýnıversıtettik klınıkalyq aýrýhanasynyń basshysy doktor Federıko Martıon Torres vaktsınamen basqarylatyn juqpaly aýrýlardyń, sonyń ishinde qyzylshany aldyn alýdyń jalǵyz ádisi vaktsınatsııalaý bolyp otyrǵanyn atap ótkenin esterińizge salamyz. Vaktsınatsııalaý jasandy ımmýnıtetti jasaýǵa yqpal etedi. Osy nemese basqa da aýrýlarǵa adam ımmýnıtetiniń bolmaýy aýrýdyń asqynýyna jáne ólim jaǵdaılaryna alyp kelýi múmkin.

«Vaktsına daıyndaldy jáne búkil álemde sátti qoldanylýda. Osynyń arqasynda 6 mln. adamnyń ómiri saqtaldy, qyzylshamen syrqattanǵandardyń sany 1 mln. adamǵa qysqardy, jáne bul aıtarlyqtaı nátıje. Sarapshy málimdegendeı, 1 myń bala qyzylshamen aýyrsa, onyń ishinde 1 bala óledi dep baǵalanǵan».

Aldynda habarlaǵandaı, 2015 jylǵy 15 qańtarda QR Bas memlekettik sanıtarlyq dárigeriniń qaýlysymen 15 ten 19 jasqa deıingi jastardy qyzylshaǵa qarsy qosymsha ımmýndaýdy júrgizý týraly sheshim qabyldanǵan.

QR Ulttyq ekonomıka mınıstrliginiń Tutynýshylardyń quqyǵyn qorǵaý komıteti (budan ári - TQQK) qyzylshaǵa qarsy satyp alynǵan monovaktsınanyń kólemin, qajettiligin, tehnıkalyq sıpattamasyn anyqtaǵan.

Qyzylshaǵa qarsy egýdi júrgizetin densaýlyq saqtaý uıymdaryn jospardan tys tekserý kezinde, qosymsha ımmýndaý kezeńindegi vaktsınany saqtaýdyń jáne tasymaldaýdyń temperatýralyq rejıminiń «salqyndatý tizbegi» buzylýy anyqtalmaǵan.

Immýndaý kezinde respýblıkanyń 5 oblysynan qyzylshaǵa qarsy egýden keıin jasóspirimderden 396 ótinish tirkeldi (Atyraýdan - 26, Qaraǵandydan - 32, Jambyldan - 2, Ońtústik Qazaqstannan - 12, Mańǵystaýdan - 324 jasóspirim),onyń ishinde 264-i aýrýhanaǵa jatqyzylǵan, qazirgi ýaqytta 264-i emdelip shyqty.

Aǵymdaǵy jylǵy 19 aqpanda QR Bas memlekettik sanıtarlyq dárigeriniń qaýlysymen qyzylshaǵa qarsy qosymsha ımmýndaýdy júrgizý toqtatylǵan jáne aǵymdaǵy jylǵy 2-shi naýryzda toqtatý 2015 jylǵy mamyrdyń 4-ne deıin uzartylǵan.

Bolǵan jaǵdaıdy zerdeleý úshin QR DSÁDM-de quramyna TQQK, respýblıkalyq medıtsınalyq ortalyqtarynyń ókilderi, Dúnıejúzilik densaýlyq saqtaý uıymynyń Qazaqstandaǵy ókildigi (budan ári - DDSU) kirgen jumys toby qurylǵan.

Beıindi mamandardyń qorytyndysyna sáıkes, qaralǵandardyń arasynda kóp jaǵdaıda emotsıonaldy jaǵdaıyna jatatyn sımptomdarymen belgileri anyqtalǵan, bul aýrýlardyń Halyqaralyq synyptamasynda «Kúıgelektik», «Mazasyzdaný jáne qozǵyshtyq» bolyp synyptalǵan. DDSU sarapshylary dıagnozdardyń durystyǵyn jáne jasóspirimderdiń aýrýhanada ary qaraı bolýynyń qajetsizdigin dáleldedi. Kórsetilgen belgilerdiń sebebi bolyp egýdiń ózi emes, egý úrdisi bolyp otyr.

Qazaqstanda qosymsha ımmýndaýdyń sońǵy kampanııasy 10 jyl buryn júrgizilgen, bul respýblıkada qyzylshamen syrqattanýshylyqtyń 16 myńnan 13 jaǵdaıǵa deıin 100 esege deıin jiti tómendeýine alyp keldi.