2015 jyly Qazaqstanda qarttardy áleýmettik qoldaýǵa 5,6 mlrd astam teńge baǵyttalǵan
«Jyl sońyna deıin qarttarǵa 5 mlrd 600 mln teńgeniń kómegi kórsetiledi. Onyń ishinde 4,1 mlrd teńge - jergilikti bıýdjet jáne 1,5 mlrd teńge - áleýmettik bıznes jaýapkershiligi aıasynda bólindi», - dedi S.Jaqypova.
Osylaısha, bir jolǵy materıaldyq kómekti jalpy 2,5 mlrd teńge somaǵa 268 myń adam aldy, 2,1 mlrd teńge 202 myń qart azamattyń qoǵamdyq kólikte jeńildikti júrýin qamtamasyz etýge baǵyttalǵan. Jeńildikti dári-dármektik qamtamasyz etýdi 115,2 mln teńge somaǵa 36,2 myń adam aldy, taǵy da 603 mln teńge turǵyn úıdi jóndeýge, otynmen qamtamasyz etýge jáne basqa da kómek túrlerine jumsaldy.
S.Jaqypovanyń aıtýynsha, Qazaqstanda jalǵyz basty qarttardy jáne eńbekke jaramsyz azamattardy áleýmettik qoldaýǵa áleýmettik kómek bólimsheleriniń jelisi qurylǵan.
«Búgingi tańda elimizde 343 úıde qyzmet kórsetý bólimshesi jumys isteıdi, olar 35 myń jalǵyz basty qarttarǵa kómek kórsetedi, olardyń 26 myńnan astamy - áıelder», - dep málimdedi S.Jaqypova.
«1 qazan kúni búkil álemde Qarttar kúni toılanady. Bul dástúrge aınalǵan shara, bir aıǵa sozylady, qarttarǵa bir aı boıy erekshe qurmet kórsetiledi, qamqorlyq kórsetiledi. Atalmysh kúndi 1990 jyly 14 jeltoqsanda BUU jarııalaǵan bolatyn. Jergilikti atqarýshy organdar búgin aılyqty ótkizýdiń josparyn daıyndady», - dedi vıtse-mınıstr.
S.Jaqypovanyń aıtýynsha, is-sharalar jospary bir kezekti materıaldyq kómek kórsetýdi qamtıdy, qaıyrymdylyq aktsııa uıymdastyryp, ardagerlerdi saltanatty qabyldaýdan ótkizip, sport sharalaryn uıymdastyrady.
Aıta keteıik, Qazaqstanda jyl saıyn 1 qazan kúni Halyqaralyq qarttar kúni toılanady. Merekeniń basty maqsaty qart adamdardyń máselelerine qoǵamnyń nazaryn aýdarý bolyp tabylady.
DSÁDM málimetinshe, búgingi tańda respýblıkamyzda 1 mln 950 myńnan astam qart adam turady.