2015 jyly Qazaqstanda geologııalyq barlaýǵa 11 mlrd. teńge bólindi - QR IDM
ASTANA. QazAqparat - 2015 jyly Qazaqstanda geologııalyq barlaýǵa 11 mlrd. teńge bólindi. Bul týraly búgin OQK baspasóz máslıxatynda QR IDM geologııa jáne jer qoınaýyn paıdalaný komıtetiniń tóraǵasy Bazarbaı Nurabaev málim etti.
«2015-2019 jyldarǵa arnalǵan geologııalyq barlaý baǵdarlamasy aıasynda 6 mlrd. teńgege 135 myń sharshy shaqyrym aýmaqta 42 nysan boıynsha paıdaly qazbalardy barlaý jumystary atqarylýda. Jalpy 2015 jyly geologııalyq jáne aýmaqtyq-túsirý jumystaryna 11 mlrd. teńge bólinip otyr», - dedi ol. Ol jumystar aıaqtalysymen, atalmysh nysandar satylymǵa shyǵarylady dep kútilýde. «Barlaýdyń nátıjesinde 1-2 mln tonna mys, myrysh jáne ózge de qundy qazbalar anyqtalady dep boljap otyrmyz. Naqty málimetter jumystar aıaqtalǵanda belgili bolady», - dep atap ótti B.Nurabaev. Onyń aıtýyna qaraǵanda, barlaý 2016 jyly aıaqtalady. Komıtet tóraǵasy atap kórsetkenindeı, sońǵy 11 jyl ishinde 3 trln. teńge barlaý jumystaryna bólingen. 2015-2019 jyldary geologııalyq barlaýǵa qosymsha 900 mlrd. teńge ınvestıtsııa tartý qarastyrylǵan.
