2015 jyly Qazaqstanda elektrondyq kommertsııanyń úlesi 4 paıyzǵa jetedi
Bul týraly búgin Almatyda ótip jatqan «Qazaqstandaǵy saýda mıssııasy (Eýropa-Qazaqstan-Azııa)» dep atalatyn konferentsııada aıtyldy.
«Elektrondyq kommertsııanyń úlesi 2012 jyly 0,85 paıyzdy qurady. Bul Reseıde 3,5 paıyz, al AQSh-ta 70,5 paıyz kóleminde. Bizdiń paıymdaýymyzsha, 2015 jyly Qazaqstanda elektrondyq kommertsııanyń úlesi 4 paıyzǵa jetedi. Naqty aıtqanda elektrondyq kommertsııanyń kólemi 2011 jyly 250 mln. dollar bolsa, 2012 jyly 400 mln. dollarǵa deıin ósti», - deıdi Qazaqstan ınternet qaýymdastyǵy Keńesiniń múshesi Konstantın Gorojankın. Onyń aıtýynsha, elimizdegi elekrondyq kommertsııanyń budan da qarqyndy damýynda negizgi kedergi ekeý. Onyń birinshisi, bankterdiń óz kartochkalaryn ınternettik tranzaktsııalar júrgizýge ashpaýy. Kóptegen adamdar óz kartochkasymen ınternet arqyly saýda júrgizgisi kelse, onda «siz bul másele boıynsha bankke habarlasyńyz» degen jazbalar shyǵady. Sol sebepti ınternettegi tranzaktsııalardyń 50 paıyzy ótpeı qalady. Sondyqtan olardyń kópshiligi bankke baryp ótinish jazýǵa erinedi de elektrondyq kommertsııaǵa qaıta bettemeı ketedi. Ekinshi másele, ınternet-dúkender úshin eshqandaı salyqtyq jeńildiktiń bolmaýy.
