2015 jyly Qazaqstanda densaýlyq saqtaý salasyna 600 mlrd. teńge bólindi
«Densaýlyq saqtaý júıesin jańǵyrtý máselesine qatysty aıtar bolsam, aǵymdaǵy jyly «Salamatty Qazaqstan» baǵdarlamasy aıaqtalady. Onyń ekinshi kezeńin ázirleýge kiristik. Ol aıaqtalatyn baǵdarlamanyń jalǵasy bolmaq», - dedi ol. Mınıstrdiń aıtýynsha, atalǵan baǵdarlamanyń jańa ekinshi kezeńinde jumystar 4 baǵyt boıynsha júrgiziledi. «Birinshiden, medıtsınalyq saqtandyrý júıesi engiziledi. ıAǵnı, jumys berýshi men jumysshy arasyndaǵy densaýlyq saqtaýǵa yntymaqtastyq jaýapkershilik qamtamasyz etiledi. Áleýmettik medıtsınalyq saqtandyrý júıesi qoryna qatysty aıtar bolsam, esterińizde bolsa, Memleket basshysy bizderge 2017 jyldyń 1 qańtarynan bul júıeni engizýdi tapsyrǵan edi. Sondyqtan, qazirdiń ózinde mınıstrlik otandyq sarapshylardy tarta otyryp jumys tobyn qurdy», - dedi ol. Onyń atap ótýinshe, ekinshiden, alǵashqy medıtsınalyq-sanıtarlyq kómek damytylatyn bolady. Úshinshi jáne tórtinshi baǵyttarda medıtsınalyq kadrlarǵa bilim berý jáne olardy daıyndaý júıesin jetildirý, densaýlyq saqtaý salasyn basqarý júıesin engizý kózdeledi. «Qazirgi ýaqytta barlyq baǵyttar boıynsha jumys toptary quryldy», - dedi T.Dúısenova.