2015 jyly Qazaqstanda 500-den astam mektep salyndy
ASTANA. QazAqparat - 2015jyly 500-den astam mektep salyndy. Bul týraly búgin Astanadaǵy L.N.Gýmılev atyndaǵy Eýrazııa ulttyq ýnıversıtetindegi halyqpen esepti kezdesýinde QR Bilim jáne ǵylym mınıstri Erlan Saǵadıev málim etti.
Onyń sózine qaraǵanda, mınıstrlik ákimdiktermen birlese otyryp, apatty mektepter jelisin 67-ge qysqartqan. Inklıýzıvti bilim berý jaǵdaıymen mektepterdiń úlesi 2 eseden astam deńgeıge artyp, 45 paıyzǵa jetti. Sonymen qatar, balalardy qosymsha bilimmen qamtý deńgeıi joǵarylady.
E. Saǵadıevtiń aıtýynsha, balalardyń ıgiligi úshin 32 myń sport sektsııalary jáne 850 qosymsha bilim berý uıymdary jumys isteýde.
«2011 jyldan bastap, 1075 mekteptikeń jolaqty Internetke qostyq. 2016-2020 jyldarǵa arnalǵan elektrondy bilim berýdiń jańa tujyrymdamasy jobasyn ázirleý sebebimen 2014-2015 jyldary bilim uıymdaryn elektrondy bilim berý júıesine qosý júrgizilgen joq»,-dedi E.Saǵadıev.
