2015 jyly Qazaqstanda 109 jańa mektep qoldanysqa beriledi - A. Sárinjipov
ASTANA. QazAqparat - Bıyl Qazaqstanda 109 jańa mekteptiń qurylysy aıaqtalady. Bul týraly búgin ótken QR Bilim jáne ǵylym mınıstrliginiń keńeıtilgen alqa otyrysynda mınıstr Aslan Sárinjipov málim etti.
«Bıyl elimizde 109 mektepti qoldanysqa berý josparlanyp otyr. Olardyń 65-i apatty jaǵdaıdaǵy mektepterdi almastyratyn bolady. Osy jerde óńirlerdegi áriptesterime eskerte keteıin, mektep salýǵa ótinim tek jańa tıptik jobalar boıynsha daıyndalǵan jobalyq-smetalyq qujatnamalar bolsa ǵana qabyldanady», - dep eskertti A.Sárinjipov.
Onyń aıtýynsha, sonymen qatar, 2015 jyly orta bilim berý júıesinde joǵary synyptarǵa arnaǵan Memlekettik jalpyǵa mindetti bilim berý standartyn jetildirý jumystary aıaqtalyp, atalǵan standartty bastaýysh mektepterde 1-synyptardan bastap aprobatsııalaý júzege asyrylady. «Al ustazdar men mektep basshylary elektrondy bilim berý, jańartylǵan oqý baǵdarlamalary boıynsha biliktilik arttyrý kýrstarynan ótetin bolady», - dedi mınıstr.
