2015 jyly Qazaqstan oqýshylary halyqaralyq olımpıadalarda 276 altyn júlde enshiledi
ASTANA. QazAqparat - 2015 jyly qazaqstandyq oqýshylar jalpy bilim beretin pánderden halyqaralyq olımpıadalar men ǵylymı joba jarystarynan 1300- den astam medal jeńip aldy. Bul týraly QR BǴM «Daryn» Respýblıkalyq ǵylymı-praktıkalyq ortalyǵynan habarlady.
Atap aıtsaq, daryndy oqýshylarymyz 30- ǵa jýyq halyqaralyq bilim dodasyna qatysyp, 276 altyn, 384 kúmis, 629 qola medal, 20 gramota ıelendi. Júldelerdiń jalpy jıyntyǵy 1309-dan asady. «Bıylǵy oqý jylynan da úmit kóp. Almatyda Naýryz aıynyń basynda oqýshylar arasynda Ó. Joldasbekov atyndaǵy matematıka men mehanıkadan halyqaralyq zertteýler jobasynyń baıqaýy ótedi.
Sondaı-aq 14-19 naýryz aralyǵynda Kóshetaý qalasynda matematıkalyq baǵyttaǵy respýblıkalyq olımpıada jáne 23-24 naýryzda ál-Farabı atyndaǵy respýblıkalyq olımpıada ótedi», - deıdi ortalyq mamandary.
