2015 jyly Qazaqstan aýsyldan ada el atanýdy josparlaýda
«Bizdiń elimizdegi epızootııalyq ahýal jaqsy. Sol sebepti Qazaqstan bıyl qyrkúıek aıynda Dúnıejúzilik janýarlar densaýlyǵyn qorǵaý uıymyna (DJDU) ótinim bergen. Endi kelesi jyly biz aýsyldan taza aımaq-memleket mártebesin (vatsınamen de, vaktsınasyz da) alamyz degen úmittemiz. DSU erejeleri boıynsha osyndaı mártebesi bar el eshqandaı shekteýsiz álemniń kez kelgen memleketine et ónimderin eksporttaı alady», - dep atap ótti ol Parlament Májilisinde jýrnalısterge bergen suhbatynda.
Onyń aıtýynsha, ótinimge baılanysty sheshim qorytyndylary keler jyldyń kókteminde belgili bolady.
«Jaýap kelesi jyly, shamamen mamyr aıynda aıtylady. Sol kezde joǵaryda atalǵan uıymnyń Assambleıasy ótkiziledi. Onda Qazaqstannyń aýsyldan taza el retindegi mártebesi jarııalanatyn bolady», - dedi G. Isaeva.
Aıta keteıik, DJDU búkil álemdegi janýarlardyń densaýlyǵyn baqylaıtyn úkimetaralyq uıym. Ol Dúnıejúzilik saýda uıymynyń (DSU) refrenttik uıymy bolyp tabylady.
Qazirgi kezde atalmysh uıymǵa 178 memleket engen. Ol basqa da halyqaralyq uıymdarmen tyǵyz baılanysta bolýmen qatar, barlyq qurlyqtarda 12 aımaqtyq jáne sýbaımaqtyq ókildikterin ashqan. DJDU-nyń shtab-páteri Parıj qalasynda (Frantsııa). Bul uıymdy qurý týraly halyqaralyq sheshim 1924 jyly 25 qańtarda shyǵarylǵan.
