2015 jyly Qazaqstan arqyly Qytaıdan Eýropaǵa baǵyttalǵan konteınerlik júkter eki esege artty

Bul týraly búgin QR Investıtsııalar jáne damý mınıstrligi Kólik komıteti tóraǵasynyń orynbasary Dmıtrıı Potlov málim etti.

«Konteınerlik tasymalǵa keletin bolsaq, 2015 jyly Qytaıdan Eýropa elderine Qazaqstan arqyly baǵyttalǵan konteınerlik júkter kólemi eki esege artty jáne 50 myń tonnaǵa jetti. Endi osy kólemdi saqtap qana qoımaı, onyń kólemin arttyra berý kerek. Ol bizdiń konteınerlik tasymaldaǵy áleýetimizdi paıdalanýǵa múmkindik beredi», - dedi D.Potlov OKQ brıfıngisinde.

Sonymen qatar, onyń aıtýynsha, konteınerlik tasymaldardy damytý aıasynda Kaspıı teńizi arqyly júk tasymaldaýdyń múmkindigi týyp otyr.

«Nurly jol» baǵdarlamasy aıasynda Quryq portynda qýaty 4 mln tonna júk ótkizýge jetetin parom kesheni salynýda. Batys Qazaqstannyń eń mańyzdy ınfraqurylymdyq nysan - Aqtaý halyqaralyq teńiz porty. 2015 jyly Aqtaý portynyń soltústik baǵytqa jóneltiletin júkter úshin keńeıtý jumystary aıaqtaldy. 3 mln tonna qurǵaq júkterdi aýystyryp tıeý boıynsha 3 júk termınaly salyndy. Biz atalǵan porttyń qýatyn 21 mln tonnaǵa deıin arttyrýdy josparlap otyrmyz», - dep túıdi oıyn D.Potlov.