2015 jyly «Qazaqfılmniń» 50-ge tarta kınolentalary ózderiniń mereıtoıyn atap ótedi
ASTANA. QazAqparat - Bıylǵy jyly kınostýdııanyń 50-ge tarta fılmderiniń mereıtoıy ótedi.
2015 jyly M.Áýezovtiń «Abaı joly» romany boıynsha túsirilgen «Abaı ánderi» kórkem fılminiń ekranǵa shyqqanyna 70 jyl tolady, dep habarlady «Qazaqfılm» AQ baspasóz qyzmeti. Kartınanyń rejıserleri - Grıgorıı Roshal men Efım Aron.
Birden úsh fılmniń 60 jyldyǵy atalyp ótpek: Pavel Bogolıýbovtyń «Shabandoz qyz» mýzykalyq komedııasy, Sultan Qojyqovtyń rejısserlik debıýti - qysqa metrajdy «Ana men bala» fılmi jáne Májıt Begalınniń «Bul Shuǵylada bolǵan edi» kartınasy.
Sháken Aımanovtyń «Bir aýdanda» kórkem fılmine bıyl 55 jyl tolady. Dańqty kınorejısserdiń taǵy bir fılmi «Atamannnyń aqyryna» da 55 jyl tolady.
Sondaı-aq Sultan Qojyqovtyń «Qyz Jibek» kınolentasyna - 45 jyl.
Shárip Beısembaevtyń «Gaýhartas» kórkem kartınasyna 40 jyl, belgili teatr jáne kıno rejısseri Ázirbaıjan Mámbetovtiń «Jaýshy» fılmine - 35 jyl, Bolot Shamshıevtiń «Mergender» áskerı dramasyna - 30 jyl tolmaq.
Sondaı-aq Sháken Aımanov atyndaǵy «Qazaqfılm» óndirisiniń myna fılmderi alǵashqy bes jyldyqtaryn atap ótpek: «Siz kimsiz, Ka myrza?» (rejısser Qýat Ahmetov), «Ryvok» (rejısserler Qanaǵat Mustafın, Erlan Nurmuhambetov, Erjan Rústembekov), «Mahabbat tálkegi» (rejısserleri Aleksandr Chernıaev pen Erjan Rústembekov) jáne «Qyzyl qoıan týraly ańyz» (rejısser Farhat Sháripov.
