2015 jyly ınvestıtsııa kólemi boıynsha ınternet Qazaqstanda 3-medıaǵa aınalady
ALMATY. 17 mamyr. QazAqparat - Qazaqstannyń medıa naryǵynyń bıýdjeti bıyl daǵdarysqa deıingi deńgeıine jetedi. Bul týraly búgin Almatyda ótip jatqan VIII halyqaralyq PR forýmda aıtyldy.
«Internetti tutynýshylar barlyq jastaǵylar arasynda turaqty ósýde. 2006 jylmen salystyrǵanda ol 15-19 jastaǵylarda - 415 paıyz, 20-25 jastaǵylarda - 292 paıyz, 25-34 jastaǵylarda - 319 paıyz, 35-44 jastaǵylarda - 453 paıyz, 45-54 jastaǵylarda - 652 paıyz, 55-64 jastaǵylarda - 404 paıyz, al 65 jastan joǵarǵylar arasynda - 708 paıyzǵa ósti. Qoldanýshylardyń úlesi 25-34 jastaǵylarda - 25 paıyz, 15-19 jáne 20-24 jastaǵylarda - 19 paıyz, 35-44 jastaǵylarda - 17 paıyz, 45-54 jastaǵylarda - 13 paıyz, 55-64 jastaǵylarda - 5 paıyz jáne 65 jastan joǵarǵylar arasynda - 2 paıyzdy qurady», - deıdi DASM kompanııalar tobynyń strategııalyq medıa-josparlaý boıynsha dırektory Denıs Fılenkov.
Onyń aıtýynsha, ınternetti qoldaný 2006 jyly - 16, 2007 jyly - 18, 2008 jyly - 24, 2009 jyly - 26, 2010 jyly - 36, 2011jyly - 44 paıyzǵa ósken. Sondaı-aq el turǵyndarynyń qazirgi tańdaǵy aqparat alýdyń negizgi kózderi de aıtarlyqtaı ózgergen. Olardyń 89,9 paıyzy televıdenıeni (2006 jyly 77,9 paıyz); 45 paıyzy ınternetti (10 paıyz ); 43,1 paıyzy merzimdi basylymdardy (56 paıyz); 33,9 paıyzy radıony (56,8 paıyz); 21,6 paıyzy blog, mıkroblog, áleýmettik jelilerdi (3,3 paıyz); 15,4 paıyzy qaýesetti (16,7 paıyz) ataǵan.
