2015 jyly geologııalyq barlaý jumystaryna 3,2 mlrd teńge bólindi
ASTANA. QazAqparat - 2015 jyly geologııalyq barlaý jumystaryna 3 mlrd 260 mln teńge bólindi. Bul týraly geologııalyq barlaý taqyrybyna arnalǵan halyqaralyq forýmda Investıtsııalar jáne damý mınıstri Áset Isekeshev málim etti.
"2015 jyly respýblıkalyq bıýdjetten, Ulttyq qordan munaı men gazdy barlaý jumystaryna 3 mlrd 260 mln teńge baǵyttalady. Onyń ishinde eki geotavers boıynsha geofızıkalyq zertteý men eki parametrıkalyq unǵymany burǵylaý jumystaryna jaratý qarastyrylǵan. Memleket qarjysy esebinen atqarylatyn barlaý jumystary ınvestorlar bara bermeıtin az zerttelgen jerlerde júrgiziledi", - dedi ol.
Onyń aıtýynsha, bıýdjettik baǵdarlamalar ońtaılandyrylyp jatqanyna qaramastan, geologııalyq barlaýǵa bólinetin qarajat kerisinshe ulǵaıǵan.
"Qazir jańa qadamdar jasalýda. Sońǵy 2-3 jyl ishinde geologııalyq barlaýda birqatar ońdy sharalar júzege asty. Jańa baǵdarlama qabyldandy", - dedi ol.
