2015 jyly Gennadıı Golovkın óziniń saýda markasyn shyǵarmaq
ASTANA. QazAqparat - Talaı synnan súrinbeı ótken qazaqstandyq boksshynyń esimi kásibı rıngte kópshilikke tanyldy, dep jazady sports.kz.
2014 jyly Golovkın 4 jekpe-jek ótkizip, barlyǵynda nokaýtpen jeńiske jetti. Ol kásibı rıngte 31 kezdesýge shyǵyp, onyń barlyǵynda jeńimpaz atanǵan.
«Bul jeńister - udaıy jattyǵýlar, qatań tártip, durys rejimniń saqtalýy jáne aldyna qoıǵan maqsatty basty rólge qoıýdyń jemisi», - deıdi Golovkın. Sonymen qatar óz komandasy men jankúıerleriniń qoldaý kórsetýi de oń áser etetinin jetkizdi. Jýyrda kópshilikke GGG dep tanylǵan boksshy Astanada jankúıerlerimen kezdesti. Onda aldaǵy josparymen jáne ózge de kóptegen qyzyqty aqparatpen bólisti. Ataqty boksshy ulynyń onyń jolyn qýǵanyn qalamaıdy eken. Gennadıı bolashaqta Qazaqstanda kásibı boks akademııasyn ashýǵa jáne iri boks keshi aıasynda elordada jarys ótkizýge nıetti. «Biz Gennadıı Golovkınniń saýda markasyn tirkedik. Qazir sonyń aıasynda jumys júrgizýdemiz. Óıtkeni strategııasyz taýar shyǵarǵymyz kelmeıdi. Alǵashqy partııany 2015 shyǵarýdy kózdep otyrmyz», - dedi boksshynyń menedjeri Oleg German Astanadaǵy baspasóz-konferentsııada.
Aıta keteıik, jańa 2015 jyldaǵy Gennadıı Golovkınniń alǵashqy kezdesýi Monte-Karloda 21 aqpanda ótedi. Onda qazaqstandyq ulybrıtanılyq Martın Mıýrreımen kúsh synaspaq.
