2015 jyly elimizdegi barlyq balalar pnevmokokk ınfektsııasyna qarsy egiledi

ASTANA. QazAqparat - 2015 jyly elimizdegi barlyq balalar pnevmokokk ınfektsııasyna qarsy egiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý jáne áleýmettik damý mınıstrligi Medıtsınalyq kómekti uıymdastyrý departamentiniń dırektory Maǵrıpa Embergenova málim etti.

«Biz TMD memleketterindegi pnevmokokk ınfektsııasyna qarsy egýdi bastaǵan eń birinshi elmiz jáne 2015 jyly eldegi barlyq balalar egiletin bolady», - dedi ol.

M.Embergenovanyń aıtýynsha, osyndaı sharalardyń nátıjesinde balalar arasynda pnevmonııaǵa shaldyǵý - 50, al odan bolatyn ólim-jitim 20 paıyzǵa tómendeıtin bolady.

Mınıstrlik málimetterine sáıkes, Qazaqstan balalardy tegin vaktsınalaýmen qamtamasyz etetin memleket mártebesine ıe. Elimizdegi balalardyń 97,5 paıyzy túrli aýrýlarǵa qarsy ekpe alady. Sońǵy 7 jylda vaktsına satyp alýǵa bólinetin shyǵystar 1 mlrd.-tan 12 mlrd. teńgege deıin ósip otyr.

«Balalar arasynda qyzamyq - 291, gepatıt - 135, dıfterııa - 100, qyzylsha - 25, kókjótel aýrýy - 20 ese tómendedi», - dedi departament dırektory.