2015 jyly elimizde turǵyn úı naryǵyndaǵy baǵada ózgerister qandaı boldy?
ASTANA. QazAqparat - QR Ulttyq ekonomıka mınıstrligi Statıstıka komıtetiniń habarlaýyna qaraǵanda 2015 jyly elimizde turǵyn úı naryǵyndaǵy baǵanyń ósýi baıqalǵan.
Atap aıtqanda, 2015 jyldyń jeltoqsan aıyndaǵy jaǵdaı men 2014 jyldyń jeltoqsanyna qaraǵanda jańa turǵyn úılerdi satý baǵalary 15,8 paıyzǵa, abattandyrylmaǵan turǵyn úılerdi alyp satý - 9,8 paıyzǵa, abattandyrylǵan turǵyn úılerdi satý 9,1 paıyzǵa joǵarylaǵan. Abattandyrylǵan turǵyn úıdi jalǵa alý tólemi de 3,5 paıyzǵa ósti.
Málimetterge qaraǵanda, turǵyn úı naryǵyndaǵy baǵa 2015 jyldyń jeltoqsan aıynda 1 sharshy metrine jańa turǵyn úıler boıynsha 257 myń 644 teńgeni qurady. Al esepti kezeńde abattandyrylǵan turǵyn úıler baǵasy sharshy metrine 189 myń 998 teńge shamasynda baıqalǵan. Abattandyrylmaǵan turǵyn úıler baǵasy esepti kezeńde sharshy metrine 111 myń 398 teńge boldy.
