2015 jyly bankterdegi depozıtterdiń kólemi 36,6%-ǵa ulǵaıdy - D. Aqyshev
ASTANA. QazAqparat - «2015 jyly bankterdegi depozıtterdiń kólemi kóbinese valıýtalyq depozıtterdi qaıta baǵalaý esebinen 36,6%-ǵa ulǵaıdy», - dep habarlady Qazaqstan Ulttyq bankiniń Tóraǵasy Danııar Aqyshev Ońtústik Qazaqstan oblysy Shymkent qalasyna issapary barysynda.
QR UB basshysynyń sózinshe, depozıtterdiń dollarlaný deńgeıi «69%-ǵa jetti, onyń ishinde jeke tulǵalardiki 78,9% boldy», dep habarlaıdy QR UB baspasóz qyzmetinen.
QR UB derekteri boıynsha Ońtústik Qazaqstan oblysynda oblys bankteriniń fılıaldaryndaǵy depozıtterdiń jalpy kólemi bir jylda 22,2%-ǵa ulǵaıyp, 2016 jylǵy 1 qańtarda 315,1 mlrd. teńgeni qurady.
«Ulttyq valıýtadaǵy salymdar 98,6 mlrd. teńgege deıin 4,7%-ǵa ósti, shetel valıýtasyndaǵy salymdar 216,5 mlrd. teńgege deıin 32,2%-ǵa ósti. Salymdardyń dollarlaný dárejesi 68,6% boldy» - dedi D. Aqyshev.
