2015 jyly aýyldarda 18 dene shynyqtyrý-saýyqtyrý kesheni salyndy
Onyń xabarlaýynsha, xalyqtyń sporttyq qurylystarǵa qajettiligin qamtamasyz etý maqsatynda mınıstrlik 2017 jylǵa deıin 42 dene shynyqtyrý-saýyqtyrý kesheni (DSK) qurý jobasyn iske asyrýda. Olar respýblıkalyq jáne jergilikti bıýdjetten qosa qarjylandyrý arqyly, tıisinshe 70% jáne 30%, sonymen qosa memlekettik-jeke menshik seriktestiktiń negizinde salynýda.
"Ult jospary boıynsha, mınıstrlik 2025 jylǵa deıingi dene shynyqtyrý jáne sportty damytý tujyrymdamasyn jasaqtady. Statıstıka málimetteri boıynsha, elde xalyqtyń 25 paıyzy sportpen shuǵyldanady. Memleket basshysy N.Nazarbaev bul kórsetkishti 2020 jylǵa deıin 30 paıyzǵa jetkizýdi tapsyrdy. Osy mindetti oryndaýǵa baǵyttalǵan barlyq sharalar tujyrymdamada kórinis tapqan", - dedi S.Musaıbekov Ortalyq kommýnıkatsııalar qyzmetinde ótken baspasóz máslıxatynda.
Onyń aıtýynsha, birneshe jyl qatarynan barlyq xalyq úshin sport keshenderiniń qoljetimdiligin arttyrý sharalary jasalyp keledi. 2014 jyly segiz aımaqta (Almaty, Qaraǵandy, Soltústik Qazaqstan, Batys Qazaqstan, Qyzylorda, Ońtústik Qazaqstan jáne Shyǵys Qazaqstan jáne Aqtóbe oblystary) 18 DSK qurylǵan bolatyn. Bıyl shalǵaı aýyldarda taǵy osyndaı kólemde keshender salynǵan.
"Bıyl dene shynyqtyrý jáne saýyqtyrý keshenderiniń qurylysy aıaqtalady. Barlyǵy aýyldyq jerlerde 18 keshen salyndy. Bul balalar men azamattardy sportqa tartýǵa septigin tıgizedi", - dep atap ótti ol.
