2015 jyly Astanadaǵy JEO-3 birinshi kezegi paıdalanýǵa beriledi - I.Tasmaǵambetov
ASTANA. 11 sáýir. QazAqparat - 2015 jyldyń tamyzynda elordanyń 3-inshi Jylý energııa ortalyǵynyń birinshi kezegi paıdalanýǵa beriledi.
Bul týraly búgin Elbasy N.Nazarbaevtyń qatysýymen ótip jatqan elordanyń ári qaraı damýy máselerine arnalǵan keńes barysynda Astana qalasynyń ákimi Imanǵalı Tasmaǵambetov málim etti.
«Qala úshin JEO-3, jańa energııa kóziniń qurylysy strategııalyq mańyzǵa ıe. Qazirgi tańda bul jobanyń alǵashqy kezeńi júzege asyrylýda. Ony 2015 jyly tolyǵymen aıaqtaý kózdelgen», - dedi ol.
Qala basshysynyń atap ótýinshe, sonymen qatar JEO-1 men JEO-2 energııa kózderin qaıta jańǵyrtý jáne keńeıtý boıynsha jumystar júrgizilýde. Jalpy búginde qalanyń jylý tutyný kólemi 1675 Gkal/ saǵat bolsa, onyń tapshylyǵy 301 Gkal/saǵatty qurap otyr.
«2012 jyly JEO-2-niń qýattylyǵy 480 Gkal/saǵat bolatyn 4 qazandyq qurylǵysy iske qosylǵannan keıin jylý energııasynyń tapshylyǵy joıylyp, rezerv 44m Gkal/saǵatty quraıtyn bolady», - dedi I.Tasmaǵambetov.
