2015 jyly Astanada jaryqpen jáne mýzykamen súıemeldenetin sýburqaǵy bar jańa saıabaq ashylady
ASTANA. QazAqparat - Astana qalasynyń Tabıǵı resýrstar jáne tabıǵat paıdalanýdy retteý basqarmasynyń habarlaýynsha, elordada jańa park ashý kózdelgen. Jańa saıabaq Jaýqazyn men M. Maqataev kósheleriniń qıylysynda «Araı» parkiniń janyndaǵy jasyl aımaqta ornalasady, dep habarlady astana.kz.
Saıabaq aýmaǵynyń ortasynda jaryqpen jáne mýzykamen súıemeldenetin sýburqaq bolady. Sonymen qatar, saıabaq aýmaǵynda sporttyq, balalarǵa arnalǵan oıyn-saýyq alańdary ashylady. Park josparyn jasaý kezinde kóshetter otyrǵyzý júıesiniń negizgi qaǵıdattary negizge alyndy, oǵan adamdarǵa parkte taza aýada demalýǵa eń qolaıly jaǵdaılar jasaý maqsatynda uıymdastyrylǵan tabıǵı (relef, ósimdik, sý) jáne jasandy (sáýlettik-ınjenerlik qurylystar) komponentterdiń jıyntyǵy jatady. Park qurylysynda qylqan japyraqty aǵashtar, butalar, gúlzarlar otyrǵyzý kózdelgen. Aıta keteıik, saıabaq aýmaǵynyń qurylysy qarjynyń bólinýine qaraı 2015 jyldyń basynda josparlanyp otyr.
