2015 jyly Astanada 430 mln. teńgege 12 kóppáterli turǵyn úı jóndeýden ótti (FOTO)
ASTANA. QazAqparat - Turǵyn úı kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasy aıasynda Astanada bıyl 430 mln. teńgege 12 kóppáterli úı kúrdeli jóndeýden ótti. Bul týraly búgin «Órken qala» JShS dırektory Qaharman Jazın málim etti.
«Turǵyn úı kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasy 2011 jyldan beri iske asyrylýda. Sodan beri kúrdeli jóndeýden shamamen 70 turǵyn úı jóndeldi. Bıylǵy jyly barlyǵy 430 mln. teńgege 12 úı jańartyldy. Osy qarqynmen 2020 jylǵa deıin jumysty jalǵastyra beremiz», - dedi ol búgin jýrnalısterge bergen suhbatynda.
2015 jyly bólingen qarajatqa 12 úıdiń shatyry, qasbeti, podezderi, jertólesi, ınjenerlik jelisi jóndelip, avtomattandyrylǵan jylý pýnktteri ornatyldy. Osynyń arqasynda jylýdy 30-50 paıyzǵa deıin únemdeý múmkindigi týyp otyr.
Turǵyn úıdi jóndeýge ketken shyǵyndy turǵyndardyń ózderi aı saıyn shamamen 1500-6000 myń teńge kóleminde ótep otyrmaq.
«Aı saıynǵy tólemniń kólemi páterdiń kólemine baılanysty. Turǵyn úıge ketken shyǵyn sharshy metrlerge bólinedi. Páterdiń kólemi az bolsa, tóleıtin aqsha da az bolady», - dep túsindirdi Q.Jazın.
