2015 jyly Astanada 3 qosalqy elektr stansasy iske qosylady
ASTANA. QazAqparat - Astana qalasy Energetıka basqarmasynyń málimeti boıynsha, 2015 jyly úsh qosalqy elektr stansasy salynady: kerneý sanaty 110/20kV «Aeroport-Novaıa» qosalqy stansasynyń 1-kezegi, «Olımp» QS 1-kezegi jáne «Shubar» QS. Bul týraly Astana ákiminiń resmı portaly habarlady.
Astanada barlyq nysandar men kásiporyndardy elektr energııasymen úzdiksiz qamtamasyz etýge baǵyttalǵan is-sharalar kesheni júzege asyrylýda.
Ótken jyldyń qorytyndysy boıynsha, 2014 jyly elektr qýatymen jabdyqtaýdyń senimdiligin qamtamasyz etý úshin 220 kV qosalqy tireý stansalary bar joǵary volttyq jeli saqınasy salynyp, qoldanystaǵy 5 taratý pýnkti jáne transformatorlyq qosalqy stansa qalpyna keltirildi.
Sonymen qatar, plastık terezeler profılin óndiretin zaýytty elektr júıelerine qosý jumystary júrgizilip, keıbir óndiristik nysandarǵa elektr júıesi tartyldy.
