2015 jyly Astanada 2 kolledj qurylysy josparlanýda
ASTANA. QazAqparat - Búgingi kúni Astanada 302 bilim berý uıymy jumys jasap jatyr, olarda 12522 pedagog qyzme etýde. Tehnıkalyq jáne kásibı uıymdardyń jalpy sany 34 quraıdy, oqýshylar sany - 28086. 34 oqý ornynyń 12-si 12 myńnan astam oqýshy bilim alatyn memlekettik kolledjder, 22-si 16 myńnan astam stýdent oqıtyn jeke menshik kolledjder.
Kadrlardy daıarlaý 3 deńgeıli bilim alý múmkindigin bere otyryp, 66 mamandyq boıynsha júzege asyrylady: kópshilik mamandyqtar boıynsha mamandar, joǵarylatylǵan deńgeı jáne orta býyn boıynsha mamandar. Búgingi kúni bilim berý protsessi modernızatsııalanýda. Dýaldi oqytýdy engizý boıynsha 10 kolledjde tájirıbelik alańdar qurylyp, 7 kolledjde dýaldi oqytý elementteri engizildi. Dýaldi oqytýǵa jalpy sany 820 stýdent qatysýda. Kolledjderdegi dýaldi oqytý aıasynda 11 memorandým men stýdentterdiń praktıka ótýine baılanysty 225 kelisimge qol qoıyldy. Jańashyldyq nátıjesinde, 120 astam kolledj stýdentteri ataýly stıpendııaǵa qol jetkizse, 300 astam stýdent jumys berýshilerden jalaqy alady jáne myńnan astam stýdentterdiń tájirıbe aqysy tólenýde, dep jazady astana.gov.kz.
2015 jyly 1600 oryndyq 2 kolledj iske qosylmaqshy:
1. «Saryarqa» aýdanynda qurylys baǵytyndaǵy 800 oryndyq kolledj;
2. Bógenbaı batyr dańǵyly aýmaǵynda baılanys jáne energııamen qamtamasyz etý baǵytyndaǵy 800 oryndyq kolledj.
