2015 jyly Astana avtobýstarynda kondýktorlar bolmaıdy
ASTANA. QazAqparat - 2015 jyly Astanadaǵy avtobýstarda kondýktor bolmaıdy. Bul týraly Astana qalalyq Jolaýshylar kóligi jáne avtomobıl joldary basqarmasynyń basshysy Rashıd Amanjolov málim etti.
«Bizdiń josparymyz boıynsha, ázirge kondýktorlar qala beredi. Kelesi jyly biz elektrondy bıletterdi engizgen kezde olar birte-birte shyǵa bastaıdy. Elektrondy bıletterdi kezeń-kezeńimen engizýdi 2015 jyldyń naýryz aıynda bastaımyz. Jazdyń sońyna deıin júıeni tolyǵymen engizbekpiz», - dep atap ótti ol.
R. Amanjolovtyń sózine qaraǵanda, qoǵamdyq kólikterdegi júrý quny jolaýshynyń júrip ótken marshrýt uzyndyǵyna baılanysty bolmaq. Eń uzaq marshrýt 90 teńgeden aspaıdy. Jolaýshylar shotyna elektrondy aqsha salynatyn arnaıy kartany satyp alýlary tıis. «Kartalar tarıftelinedi. ıAǵnı, júrip ótken jolyńa ǵana tóleısiń, eger qysqa joldy júrip ótseńiz 90 teńgeden az tóleısiz. Qoǵamdyq kólikte tegin júrýge ruqsat alǵan adamdar burynǵydaı aqysyz júre alady», - dedi basqarma basshysy.
