2015 jyly álemdik kınematografııa kórermenderdi tyń týyndylarmen tamsandyrmaq
ASTANA. QazAqparat - Álemdik kınematografııa salasy úshin 2015 jyl tabysty jyl bolmaq, sebebi qarjylyq turǵysynan kóp paıda ákeledi degen úmitpen úkilep otyrǵan birqatar týyndylar kórermenderge jol tartpaq, dep jazady londondyq Times gazeti.
Birinshi kezekte basylym 007 agenti Djeıms Bond týraly qazir brıtandyq rejısser Sem Mendes túsirip jatqan «Spektr» jáne «Juldyzdy soǵys» epopeıasynyń kezekti serııasyn - amerıkandyq rejısser Djeı Djeı Abrams túsirip jatqan «Juldyzdar soǵysy. VII epızod: kúsh bitý» týyndylaryn atap ótedi. Bul fılmder ekranǵa sáıkesinshe aǵymdaǵy jyldyń qazan jáne jeltoqsan aılarynda shyǵýy tıis. Sondaı-aq 2015 jyldyń jeltoqsan aıynda kópshilikti súıikti akterleri Tom Krýz «Oryndalmaıtyn mıssııa», Arnold Shvartsenegger "Termınator:Genezıs" (shilde aıynda kórermenge jol tartady), kishi Robert Daýnı «Kek alýshylar: Altron dáýiri» (mamyr aıynda kórsetiledi) syndy shyǵarmalardaǵy rólderimen qýantpaq. Walt Disney Pictures kınostýdııasy mamyr aıynda óziniń áıgili «Kúl-qyz» («Zolýshka») kartınasynyń jańa nusqasyn jurtshylyq nazaryna usynady. Al qazan aıynda «Djýnglı kitaby» mýltıplıkatsııalyq týyndysynyń jańa túrin jaryqqa shyǵarady. Televızııalyq týyndylarǵa keletin bolsaq, bırtandyq VVS medıa toby osy aıda orys jáne álem ádebıetiniń klasssıgi Lev Tolstoıdyń «Soǵys jáne beıbitshilik» romany boıynsha 6 serııaly kartınany túsirý jumystaryn bastaıdy. Uzaqtyǵy alty saǵatqa sozylatyn bul týyndy toptyń VVS-1 telearnasynan 2015 jyldyń sońynda kórsetilmek, dep habarlaıdy TASS.
