2015 jyly álemdegi eń úlken planshet shyǵarylady
ASTANA. QazAqparat - 2015 jyly Apple korporatsııasy iPad úlgisindegi eń úlken planshet shyǵarýdy josparlap otyr. iPad planshetiniń kelesi túri 12,9 dıýımdi dıagonalǵa ıe ekranmen jabdyqtalady. Bul týraly www.massaget.kz habarlaıdy.
Qazirgi kezde kompanııa kólemi 9,7 dıýım bolatyn planshettermen shektelip jatyr. Aqparattar boıynsha, Apple jańa ıdeıaǵa qatysty jobany bir jyldan beri talqylap keledi. Degenmen baspasóz qyzmetiniń ókilderine naqty aqparat bermeýde.
Aıta keteıik, Apple-diń iPhone smartfondarynan keıingi ekinshi oryndaǵy tabys kózi bolǵan iPad planshetteriniń satylymy osy jartyjyldyqta eki esege azaıyp ketti. Kompanııanyń sarapshy mamandary buny naryqtaǵy planshetterdiń jáne planshet tárizdi smartfondardyń sany artqandyǵynan kórip otyr. Oǵan qosa planshetter baǵasynyń arzandaýy men jarnamanyń belsendi jumys isteýi de ózindik faktor bolýda.
