2015 jyly álem jasyl energııaǵa 33 mlrd dollar ınvestıtsııa salǵan - BUU

ASTANA. QazAqparat - 2015 jyly álem boıynsha jasyl energııa salasyna 33 mlrd dollar ınvestıtsııa tartylǵan. Bul 2014 jylmen salystyrǵanda alty esege artyq kórsetkish. Astana ekonomıkalyq forýmy aıasyndaǵy «Jasyl ekonomıka» sessııasyna qatysqan BUU Bas hatshysynyń kómekshisi, BUU Damý baǵdarlamasy ákimshisiniń kómekshisi, Eýropa jáne TMD elderine arnalǵan aımaqtyq bıýronyń dırektory Jıhan Sultanoǵlý hanym osylaı málim etti.

«Jasyl ekonomıka paıdaly qazbalarǵa negizdelgen elderdiń ekonomıkalaryna da áser ete alady. Jasyl energııaǵa salynǵan ınvestıtsııa 2015 jyly 33 mlrd dollardy qurady, bul 2014 jylmen salystyrǵanda alty ese artyq. ıAǵnı, jańartylatyn energııanyń jahandyq naryǵy kelesi myńjyldyqta óse beredi»,-dedi J.Sultanoǵlý.

Bul rette, J.Sultanoǵlý atap ótkendeı, álemde munaı eksporttaıtyn elderdiń ózi ekonomıkasynyń ósý modelin qaıta qarap, jasyl ekonomıkaǵa den qoıýda.

«Munaıdyń eń iri eksporttaýshysy Saýd Arabııasy «Saýdvıjn-2030» baǵdarlamasyn iske asyrýda», - dep habarlady ol.