2015 jyly 6 mlrd. dollarǵa 124 ınvestıtsııalyq kelisim jasaldy - KAZNEX INVEST
ASTANA. QazAqparat - 2015 jyly túrli bıznes forýmdar men halyqaralyq konferentsııalardyń arqasynda 6 mlrd. dollarǵa 124 ınvestıtsııalyq kelisim jasaldy. Bul týraly búgin «KAZNEX INVEST» AQ basqarma tóraǵasynyń orynbasary Qaırat Qarmanov málim etti.
«2015 jyly «KAZNEX INVEST» 22 bıznes-forým uıymdastyrdy. Olardyń 16-sy Qazaqstanda, 6-ýy shetelde ótti. Olardyń birinde Italııa, Vengrııa, Lıtva, Horvatııa, Úndistan, Serbııa jáne ózge de memleketterdiń prezıdentteri qatysty. Nátıjesinde 2015 jyly 6 mlrd. dollarǵa 124 ınvestıtsııalyq kelisimge qol qoıyldy», - dep atap ótti ol kompanııanyń 2015 jylǵy jumystarynyń qorytyndylaryna arnalǵan baspasóz máslıhatynda.
Bıznes forýmdardyń eń nátıjelisi - Mılanda ótken «EKSPO-2015» kórmesi aıasyndaǵy forým. 400-den astam kásipkerdi jınaǵan atalmysh shara barysynda 400 mıllıon dollarǵa 23 ekijaqty kelisimderge qol qoıylǵan.
«27 qazanda Japonııa Premer-Mınıstri Sındzo Abe elimizge kelgende 600 qatysýshyǵa bıznes-forým uıymdastyryldy. Onda 15 mlrd. dollarǵa 15 ınvestıtsııalyq qujat bekitildi», - deıdi ol.
