2015 jyly 30 myń adamǵa arendalyq páter beriledi
Onyń aıtýynsha, 2015 jyldyń sońyna deıin arendalyq páterlerdi satyp alý jáne salý boıynsha naqty jospar jasaqtalǵan.
«Holdıngtiń enshiles kompanııalarymen 2015 jyldyń sáýirinen jeltoqsanyna deıin Astana, Qostanaı, Aqtóbe, Taraz, Qyzylorda qalalarynda 165 myń sharshy metr bolatyn 1500 páter satyp alady. Sonymen qatar, páter kezeginde turǵan azamattarǵa arendalyq turǵyn úı qurylysy da júrgizilmek. Qazaqstan ıpotekalyq kompanııasy baǵyty boıynsha Shymkentte 2015 jyly sáýir aıynda 1080 páter paıdalanýǵa berilse, tamyz aıynda 72 páterli úı salynady. Sáýir aıynda Astana, Taraz, Oral, Semeı, Qaraǵandy, Qyzylorda, Pavlodar qalalarynda 1700 páter qurylysy bastalady. Osylaısha, 2015 jyly jalpy satyp alynatyn jáne salynatyn arendalyq páterlerdiń 490 myń sharshy metri shamamen 9 myń páter beriletin bolady. Ár otbasyda orta eseppen 4 adamnan turatyn bolsa, bul páter tiziminde turǵan 30 myń azamat baspanaly bolady degen sóz», - dedi ol.
Onyń sózine qaraǵanda, arendalyq páterlerdiń quny sharshy metrine 800-den 1100 teńgege deıin bolady. Oǵan ústemaqy alynbaıdy jáne kepildik suralmaıdy.
