2015 jyly 29 myń azamat áskerge shaqyrylady

ASTANA. QazAqparat - 1 sáýirden bastap, merzimdi áskerı qyzmetke shaqyrý bastalady. Bul týraly búgin Ortalyq kommýnıkatsııalar qyzmetinde ótken brıfıngte QR Qarýshy Kúshteri Bas shtaby Uıymdastyrý-jumyldyrý jumystary departamenti bastyǵynyń orynbasary - jasaqtaý basqarmasynyń bastyǵy polkovnık Amantaı Óserbaev málim etti.

"Áskerı qyzmet jáne áskerı qyzmetshilerdiń mártebesi týraly» zańǵa jáne Qazaqstan Prezıdentiniń Jarlyǵyna sáıkes, 1 sáýirden bastap, merzimdi áskerı qyzmetke shaqyrý bastalady. Eldiń barlyq óńirleri daıyndyq jumystaryn júrgizip jatyr. Jergilikti basqarý organdarynyń ókimderimen shaqyrý jáne medıtsınalyq komıssııalary quryldy", - dep atap ótti ol.

Onyń atap ótkenindeı, bıyl 29 myń azamat áskerge shaqyrylsa, onyń 12 myńy kóktemde qabyldanbaq.

"Elbasynyń Jarlyǵyna sáıkes, 2015 jyly merzimdi áskerı qyzmetke 29 myń azamat áskerge shaqyrylady. Sonyń 12 myńdaı azamaty osy kóktemde sáýir-maýsym aılarynda shaqyrylady. Áskerı qyzmetke shaqyrýdyń maqsaty - elimizdiń Qarýly Kúshteriniń qataryna densaýlyqtary jaramdy, psıhologııalyq jaǵynan daıyndalǵan, orta nemese joǵary bilimi bar azamattardy qabyldaý", - deıdi A. Óserbaev.