2015 jyly 1105 qoǵamdyq jáne jolaýshylar kóliginiń qatysýymen 1070 JKO oryn aldy

ASTANA. QazAqparat - Ótken jyly qoǵamdyq jáne jolaýshylar kóliginiń qatysýymen bolǵan jol-kólik oqıǵasynda 146 adam qaza boldy. Bul týraly QR Bas prokýratýrasynyń Quqyqtyq statıstıka jáne arnaıy esepke alý jónindegi komıteti baspasóz qyzmetinen habarlandy.

«2015 jyly 1105 qoǵamdyq jáne jolaýshylar kóliginiń qatysýymen 1070 JKO oryn alǵan, onda 146 adam qaza taýyp, 1520-sy jaraqattanǵan. Olardyń kópshiligi avtobýs júrgizýshileriniń kinásinen jasalǵan, 9-y JKO bolǵan sátte alkogoldik nemese esirtkilik mas kúıinde bolǵan»,-delingen komıtet habarlamasynda.

Atap aıtqanda, jolaýshylar tasymalyn uıymdastyrý salasyndaǵy qaýipsizdik máseleleri 2015 jyldyń qarashasynda Bas prokýratýranyń alqa otyrysynda kóterilgen bolatyn. Osy maqsattarda qadaǵalaýshy organ jol qozǵalysynyń qaýipsizdigine memlekettik baqylaýdy kúsheıtýdi, zańsyz tasymaldaýlardy joıýdy, avtobýs júrgizýshilerin jolaýshylardy tasymaldaýǵa jiberý tártibin jetildirýdi talap etti. Sonymen qatar, avtobýs júrgizýshilerin daıyndaý sapasyna, avtomektep oqytýshylary biliktiliginiń usynylǵan talaptarǵa sáıkestigine baqylaýdy kúsheıtý tapsyryldy.