2015 jyly 10 myńǵa jýyq arendalyq páter paıdalanýǵa beriledi - «Báıterek» holdıngi
ASTANA. QazAqparat - «Báıterek» holdıngi jyl basynan beri 2,4 myń arendalyq páterdi paıdalanýǵa berdi. Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń baspasóz máslıhatynda holdıng basshysy Qýandyq Bıshimbaev málim etti.
«Báıterek» holdıngi aldynda turǵyn úı ınfraqurylymyn nyǵaıtý boıynsha mindet qoıylýda. Osy baǵytta 2015 jyly «Báıterek» ulttyq holdıngi 487 myń sharshy metr nemese 9 740 páterdi tapsyrýdy josparlaýda. Olardyń 50 paıyzy jas otbasylarǵa beriledi.
Onyń aıtýynsha, jyl basynan beri Astana, Almaty, Qostanaı, Kókshetaý, Semeı jáne Shymkent qalalarynda 2,4 myń páter paıdalanýǵa berildi. Bul shamamen 130 myń sharshy metr turǵyn úı.
