2015 jyly 1 300-den astam áskerı qyzmetshi páter kiltin alady
ASTANA. QazAqparat - Bıyl qazaqstandyq 1 324 áskerı qyzmetshi páter alady. Turǵyn úıler Astana, Almaty, Óskemen, Semeı, Taldyqorǵan, Qyzylorda, Qaraǵandy, Taraz, Shymkent, Pavlodar, Qostanaı, Jarkent, Temirtaý jáne Aıagóz qalalarynda kúrdeli qurylys, kúrdeli jóndeý jáne páterlerdi satyp alý arqyly paıdalanýǵa beriledi. Sondaı-aq Gvardeıskıı, Saryózek, B. Momyshuly, Otar, Arnasaı, Aqmol kentterinde de páter berilmek.
Turǵyn úımen qamtamasyz etý qazaqstandyq áskerı qyzmetshilerdi áleýmettik qoldaýdyń basym baǵyttarynyń biri bolyp tabylady. Osy sharalardyń arqasynda áskerı qyzmetshiler men olardyń otbasynyń ómir súrý deńgeıi artyp keledi. 2009-2014 jyldar kezeńinde Qazaqstannyń túrli qalalary men óńirlerinde 6 336 páter (onyń ishinde 63 jaldamaly) jáne 273 páterlik 201 kottedj paıdalanýǵa berildi.
Eske salsaq, Qazaqstan Respýblıkasynyń qoldanystaǵy zańnamasyna sáıkes, 10 jyl ótili bar turǵyn úıge muqtaj áskerı qyzmetshige 2013 jylǵy 1 qańtardaǵy kelisimshart boıynsha qyzmettik turǵyn úı berý kózdelgen, ol bolmaǵan jaǵdaıda turǵyn úımen qamtamasyz etilgenshe, onyń páter jaldap turýyna ótemaqy tólenedi.
