2015 jylǵy jeltoqsanda kúnkóristiń eń tómengi deńgeıi 19 myń 816 teńgeni qurady
ASTANA. QazAqparat - 2015 jylǵy jeltoqsanda kúnkóristiń eń tómengi deńgeıiniń shamasy 19 myń 816 teńgeni qurady. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Statıstıka komıtetiniń málimetteri boıynsha negizgi tamaq ónimderin tutynýdyń eń tómengi normalarynan eseptelgen orta eseppen halyqtyń jan basyna shaqqandaǵy kúnkóristiń eń tómengi deńgeıiniń shamasy 2015 jylǵy jeltoqsanda ótken aımen salystyrǵanda 1,6 paıyzǵa, al 2014 jylǵy jeltoqsanmen salystyrǵanda 5,6 paıyzǵa joǵarylady. Onyń qurylymynda et pen balyqty satyp alýǵa jumsalǵan shyǵystardyń úlesi 21,5 paıyzdy, sút, maı jáne toń maı ónimderi men jumyrtqaǵa - 17,7 paıyzdy, jemister men kókónisterdi - 9,8 paıyzdy qurady. Al nan jáne jarma ónimderin alýǵa jumsalǵan shyǵystardyń úlesi 8,5 paıyz, qant, shaı jáne dámdeýishter úlesi 2,5 paıyzdy qurap otyr.
