2015 jylǵy UBT-ny ótkizý men úılestirý boıynsha respýblıkalyq shtabtyń jumys keńesi ótti
ASTANA. QazAqparat - Qazaqstan Respýblıkasynyń Bilim jáne ǵylym mınıstri Aslan Sárinjipov 2015 jylǵy UBT-ny ótkizý men úılestirý boıynsha respýblıkalyq shtabtyń jumys keńesin ótkizdi, dep habarlady vedomstvonyń baspasóz qyzmeti.
Bilim jáne ǵylym mınıstri A.Sárinjipov úılestirý shtabynyń ulttyq testileýge daıyn ekendikterine kóz jetkizdi. UBT-ny ótkizý men úılestirý respýblıkalyq shtaby óz jumysyn 2 maýsymnan bastap 9 maýsymdy qosa alǵanda jumys isteıtin bolady.
Shtab jumysynyń basty maqsatyna respýblıka boıynsha UBT ótkizý men appelıatsııa; jurtshylyq arasynda UBT máseleleri boıynsha aqparattyq-túsindirý jumystaryn júrgizý; qoǵamdyq tártipti saqtaýdy, testileýge kirgizý kezinde metall izdegishterdi, testileý kezinde uıaly baılanys telefondarynyń sıgnaldaryn tunshyqtyratyn jáne beınebaqylaý quraldaryn paıdalanýdy uıymdastyrý; túlekter men ata-analardan kelip túsken shaǵymdardy ýaqytynda qaraý jumystaryn júrgizý kiredi.
Sonymen qatar, aıta ketetin jaıt, UBT ótkizý barysynda basqa da memlekettik organdar qatysatyn bolady. Qazaqstan Respýblıkasy Densaýlyq saqtaý jáne áleýmettik damý mınıstrligi UBT ótkizý barysynda qatysqan adamdar men túlekterge ýaqytyly jáne sapaly medıtsınalyq kómek kórsetý jumystaryn júrgizedi, Qazaqstan Respýblıkasy Іshki ister mınıstrligi qoǵamdyq tártip pen UBT bolatyn beketterge túlekterdi ákeletin kólik quraldarynyń qaýipsiz qozǵalysyna septigin tıgizedi, al jergilikti atqarýshy organdar mektep túlekteriniń UBT bolatyn pýnktterine qaýipsiz baryp-qaıtýyna jaýapty bolady. QR Bilim jáne ǵylym mınsıtrligi óz kezeginde jalpy UBT-nyń ótýin qamtamasyz etedi.
UBT-nyń birinshi kúninde QR Bilim jáne ǵylym mınıstri A.Sárinjipov L.N.Gýmılev atyndaǵy Eýrazııa ulttyq ýnıversıtetindegi UBT ótkiziletin Ulttyq testileý ortalyǵynyń №710 beketinde bolyp, onyń ótkizilý barysymen tanysady.
Shtabtyń «Jedel jelisiniń» telefony: 74-23-72; 74-22-57; 74-23-69.
