2015 jylǵy naýryzda ónerkásip ónimderin óndirýshi kásiporyndar baǵasy 3,6 paıyzǵa joǵarylady
ASTANA. QazAqparat - 2015 jylǵy naýryzda ónerkásip ónimderin óndirýshi kásiporyndar baǵasy 3,6 paıyzǵa joǵarylady. Bul týraly QR Ulttyq ekonomıka mınıstrligi Statıstıka komıtetiniń baspasóz qyzmetinen habarlandy.
Atap aıtqanda, aǵymdaǵy jylǵy naýryzda aqpanmen salystyrǵanda baǵa ken óndirý ónerkásibinde - 7,2 paıyzǵa joǵarylap, baǵa óńdeý ónerkásibinde 0,5 paıyzǵa tómendegen. Óndirilgen ónimge baǵa - 4 paıyzǵa qymbattady, al óndiristik sıpattaǵy qyzmetterge baǵa ózgerissiz qaldy.
Sonymen qatar, ótken aıda baǵanyń munaıǵa 5,7 paıyzǵa joǵarylaýy, olardyń mazýtqa 4 paıyz, dızeldik otynǵa - 2,6 paıyz, metall kenderine - 2,5 paıyz, kómirge - 1,6 paıyz, benzınge - 0,5 paıyzǵa tómendeýi tirkelgen.
«Budan bólek, baǵa qorǵasynǵa - 15,2 paıyz, myryshqa - 8,5 paıyz, qara metaldar ılegine - 3 paıyz, mysqa - 2,5 paıyz, ferroqorytpalarǵa - 0,3 paıyzǵa joǵarylap, asyl metaldarǵa - 2,8 paıyz, alıýmınııge - 1,4 paıyzǵa tómendegen. Sonymen qatar, baǵanyń qaraqumyq jarmasyna - 5,6 paıyz, qara bıdaı unyna - 4,9 paıyz, mal etine - 2,5 paıyz, qus etine - 2,4 paıyz, ósimdik maıyna - 2 paıyzǵa, sút ónimderine jáne qantqa - 0,7 paıyzdan, balyqqa - 0,6 paıyzǵa tómendeýi tirkeldi», - delingen baspasóz baıanynda.
