2015 jylǵy qarashada memlekettik baǵaly qaǵazdardy ornalastyrý boıynsha aýktsıondar júrgizilgen joq - QR Ulttyq banki
ALMATY. QazAqparat - 2015 jylǵy qarashada Qarjy mınıstrliginiń memlekettik baǵaly qaǵazdaryn ornalastyrý boıynsha aýktsıondar júrgizilgen joq. Bul týraly búgin QR Ulttyq bankiniń baspasóz qyzmetinen habarlady.
«2015 jylǵy qarashada Qarjy mınıstrliginiń memlekettik baǵaly qaǵazdaryn ornalastyrý boıynsha aýktsıondar júrgizilgen joq.
Sondyqtan 2015 jylǵy qarashanyń sońynda Qarjy mınıstrliginiń aınalystaǵy baǵaly qaǵazdarynyń kólemi aldyńǵy aımen salystyrǵanda ózgergen joq jáne ol 5538,4 mlrd. teńge boldy», - delingen málimdemede. Sondaı-aq qarjy naryǵyn retteýshi organnyń derekteri boıynsha 2015 jylǵy qarashada Ulttyq bank nottary emıssııasynyń kólemi 381,1 mlrd. teńge boldy. Bul rette 7 kúndik nottardy ornalastyrý boıynsha 2 aýktsıon (90 mlrd. teńge) jáne 1 aılyq nottardy ornalastyrý boıynsha 4 aýktsıon (291,1 mlrd. teńge) ótti.
Ornalastyrylǵan 7 kúndik nottar boıynsha tıimdi kiristilik 15,74%, 1 aılyq nottar boıynsha - 18,45%, 15,97%, 12,65% boldy. 2015 jylǵy qarashanyń sońynda aınalystaǵy nottar kólemi 291,1 mlrd. teńgeni qurady.
