2015 jylǵy І toqsanda halyqtyń aqshalaı tabystary 61 997 teńgeni qurady
ASTANA. QazAqparat - 2015 jyldyń 1-toqsanynda halyqtyń orta eseppen jan basyna shaqqandaǵy ataýly aqshalaı tabystary 61 997 teńgeni qurady jáne osy kezeńde tutyný taýarlary men qyzmetteri baǵasynyń 6,2%-ǵa ósýine baılanysty 2014 jyldyń 1 toqsanymen salystyrǵanda 7,5%-ǵa ósti. Naqty kóriniste halyqtyń ataýly aqshalaı tabystary 2014 jylǵy tıisti toqsanmen salystyrǵanda 1,2%-ǵa ósti.
Bul týraly QR UEM Statıstıka koıtetiniń baspasóz qyzmetinen habarlady.
2015 jyldyń 1-toqsanynda halyqtyń orta eseppen jan basyna shaqqandaǵy ataýly aqshalaı tabystarynyń eń joǵary mólsheri Atyraý oblysy jáne Almaty men Astana qalalarynda baıqalyp otyr, olarda osy kórsetkish ortasha respýblıkalyq deńgeıden 2,0-1,8 esege asqandyǵy baıqaldy. Tabysy eń tómen óńirler retinde Ońtústik Qazaqstan, Jambyl jáne Almaty oblystary belgilendi, osy óńirlerde halyqtyń tabys mólsheri ortasha respýblıkalyq deńgeıden 28-40% tómen. 2015 jyldyń 1-toqsanynda óńirler boıynsha halyqtyń orta eseppen jan basyna shaqqandaǵy ataýly aqshalaı tabystardyń eń joǵary jáne eń tómengi shamasy arasyndaǵy araqatynas 3,4 eseni qurady (2014 jylǵy 1 toqsanda - 3,8 ese).
