2015 jylǵy egin naýqanyn qarjylandyrýǵa ótinimderdi qabyldaý bastaldy - «QazAgro»
Bıýdjettik nesıe qarajaty esebinen ótinimderdi qabyldaý jáne agrotehnıkalyq sharalardy qarjylandyrý Ulttyq holdıngtiń enshiles kompanııalarynyń aımaqtyq qurylymdary júzege asyrady. Azyq-túlik kelisim shart korporatsııasy men Agrarlyq nesıe korporatsııasy jáne baǵdarlama seriktesteri - ekinshi deńgeıli bankter.
Agroóndiristik keshen sýbektilerin qoldaý boıynsha sharalardy júrgizýge «QazAgro» Ulttyq basqarýshy holdıngine 60 mlrd. teńge kóleminde bıýdjettik nesıe berildi.
Atalǵan baǵdarlamanyń qatysýshylar tizimin oblys ákimdikteri janyndaǵy oblystyq Úılestirý keńesteri qurady.
«Agrarlyq nesıe koproratsııasy» AQ (ANK) egin egý jáne astyq jınaý boıynsha janar-jaǵarmaı, aýyl sharýashylyǵy tehnıkasynyń bólshekteri men jóndeý jumystaryn, mıneraldyq tyńaıtqysh, ósimidikterdi saqtaý quraldary men basqa resýrstardy qarjylandyrý boıynsha ótinimderdi qabyldaıdy.
Múddeli potentsıaldy qaryzgerler tolyq aqparatty «Agrarlyq nesıe korporatsııasy» AQ-nyń www.agrocredit.kz korporatıvtik saıtynan, sonymen qatar Koproratsııanyń Ortalyq apparaty men barlyq aımaqtyq fılıaldarynyń keńselerinen qaǵaz jáne elektrondyq túrde alýǵa múmkindikteri bar.
ANK men Azyq-túlik korporatsııasynyń bıýdjettik qarajatynan basqa aǵymdaǵy jyldyń kóktemgi egis jumystaryn «Eginjaı» baǵdarlamasy sheńberinde Aýyl sharýashylyǵyn qarjylaı qoldaý qory óz qarajaty esebinen júzege asyrady. Bul sharalarǵa kompanııa 1 960 mln. teńge bólýdi josparlaýda.
«Eginjaı» baǵdarlamasy boıynsha nesıe alý úshin «Aýyl sharýashylyǵyn qarjylaı qoldaý qory» AQ-nyń oblystyq fılıaldaryna qarjylandyrý ótinimimen barýǵa bolady, fılıaldar oblystyq ortalyqtarda, sonymen qatar Astana, Almaty, Semeı qalalarynda ornalasqan.
