2015 jylǵy Chempıondar lıgasy fınalynyń ótetin orny jarııalandy
ASTANA. 24 mamyr. QazAqparat - 2014/15 maýsymdaǵy Chempıondar lıgasynyń fınaly «Gerta» fýtbol klýby óziniń úıdegi matchtaryn ótkizetin Berlındegi Olımpııalyq stadıonda ótedi.
Al 2015 jylǵy Eýropa lıgasynyń fınaldyq matchy Varshavada Ulttyq stadıonda ótetin boldy, dep habarlady Vesti.kz.
Mundaı sheshim Londonda ÝEFA Atqarý komıtetiniń otyrysynda qabyldandy. Sondaı-aq 24 mamyrda ÝEFA 2014/15 maýsymdaǵy Eýropa Lıgasynyń jeńimpazy kelesi jyly Chempıondar lıgasynda oryn ala ma, degen máselege oraı sheshim qabyldaýy tıis. Mundaı shara Eýropa Lıgasynyń bedelin kóterýi múmkin dep sanalady.
Aıta keterligi, berlındik Olımpııa stadıonyna 74 myńnan astam kórermen sııady. 56 myń orynǵa eseptelgen Varshava stadıony 2012 jyly Eýropa chempıonatynyń bes matchyn qabyldady, sonyń ishinde shırekfınaldyq jáne jartylaı fınaldyq týrnırler de bar.
Bıylǵy maýsymda Eýropa Lıgasynyń fınaly Amsterdamda ótti, onda londondyq «Chelsı» jeńimpaz boldy. Nemistiń eki komandasy - dortmýndtyq «Borýssııa» men mıýnhendik «Bavarııa» kezdesetin Chempıondar Lıgasynyń fınaly 25 mamyrda Londondaǵy «Ýemblı» stadıonynda ótedi.
