2015 jylǵa qaraı UBT kompıýterlik testileý arqyly ótedi dep josparlanyp otyr - Bilim jáne ǵylym vıtse-mınıstri
ASTANA. 15 maýsym. QazAqparat - 2015 jylǵa qaraı UBT kompıýterlik testileý arqyly ótedi dep josparlanyp otyr. Bul týraly búgingi baspasóz máslıhatynda QR Bilim jáne ǵylym vıtse-mınıstri Mahmetqalı Sarybekov málim etti.
«Bilimdi damytýdyń josparyna sáıkes 2013 jyly ulttyq biryńǵaı testileýdi eki kezeńge bólý, ıaǵnı oqýshylardy qorytyndy attestattaý jáne joǵary oqý ornyna túsý úshin emtıhan tapsyrý eksperımenti josparlanýda. Al, 2015 jylǵa qaraı UBT-ny eki kezeńdik logıkalyq sıpattaǵy testileýdi paıdalaný men kompıýterlik testileýge aýysý josparlanyp otyr», - dep atap ótti vıtse-mınıstr.
