2015 jylǵa qaraı stýdentterdi jataqhanamen qamtamsyz etý 80 paıyzǵa artady
ANA. 23 mamyr. QazAqparat /Qanat Mámetqazyuly/ - 2015 jylǵa qaraı stýdentterdi jataqhanamen qamtamasyz etý 80 paıyzǵa deıin artady.
Bul týraly búgin QR Parlamenti Májilisinde ótken Úkimet saǵatynda Bilim jáne ǵylym mınıstri Baqytjan Jumaǵulov málim etti.
Mınıstrdiń aıtýynsha, elimizdegi joǵary oqý oryndarynyń stýdentterin jataqhanalarmen qamtamasyz etý úshin Memleket basshysynyń tapsyrmasymen «Stýdenttik turǵyn úı» baǵdarlamasy ázirlengen. «Baǵdarlamany júzege asyrý 2015 jylǵa qaraı jataqhanamen qamtamsyz etýdi 80 paıyzǵa arttyrýǵa múmkindik beredi. Aldyn ala esepteýler boıynsha respýblıkalyq bıýdjet qarajaty esebinen 35 jańa jataqhananyń qurylysy jáne qoldanystaǵy 50 jataqhananyń kúrdeli qurylysy qarastyrylyp otyr. Jobalardyń boljamdy quny 35 mlrd. teńgeden asady», - dedi B. Jumaǵulov.
