2015 jylǵa qaraı respýblıka boıynsha jańartylǵan júıelerdiń uzyndyǵy 31 myńnan astam shaqyrymdy quraıdy

Bul týraly búgin Úkimet otyrysynda Turǵyn úı-kommýnaldyq sharýashylyqty jańǵyrtý baǵdarlamasyn tanystyrǵan Qurylys jáne turǵyn úı kommýnaldyq sharýashylyq isteri agenttiginiń tóraǵasy Serik Nokın aıtty.

Onyń sózine qaraǵanda, qolǵa alynǵan sharalardyń nátıjesinde kúrdeli jóndeý jumystaryn qajet etetin kondomınıým nysandarynyń úlesi 32 paıyzdan 22 paıyzǵa tómendemek. Osyǵan oraı turǵyn úı qatynastarynyń ońtaıly modelin qurýdy qamtamasyz etý qajet.

«Memleket halyqaralyq qarjy ınstıtýttary men bizdiń bankterimizdi tarta otyryp, jeke ınvestorlarǵa, kásiporyndapr men azamattarǵa turǵyn úıler men kommýnaldyq nysandardy jóndeý jáne qaıta jańartý úshin birlesken arnaıy tetikterin usynady», - dedi ol.

Agenttik basshysynyń aıtýynsha, jańa baǵdarlama turǵyn úı-kommýnaldyq sharýashylyqtyń ózara baılanysty eki elementinen, atap aıtqanda jylý, gaz jáne elektrmen jabyqtaýdy qamtamasyz etetin júıelerden jáne turǵyn úı sektorynyń negizgi bóligi bolyp tabylatyn kóp páterli turǵyn úılerden turady.