2015 jylǵa qaraı pedagogterdiń eńbekaqysy eki-úsh esege deıin ósedi - B. Jumaǵulov
TANA. 25 tamyz. QazAqparat /Jasulan Amanbaıuly/ - Memlekettik baǵdarlamada 2015 jylǵa qaraı pedagogterdiń ortasha jalaqysyn jeke sektordaǵy eńbek aqyǵa teńestirý kózdelgen jáne qazirgimen salystyrǵanda eki nemese úsh esege deıin óspek.
Osyndaı málimetterdi búgin Astanada «Otbasy, mektep, qoǵam - ıgilikti bolashaq úshin birge!» respýblıkalyq pedagogıkalyq forýmy barysynda QR Bilim jáne ǵylym mınıstri Baqytjan Jumaǵulov habarlady.
«1 shildeden bastap 30%-ǵa kóbeıtilgen jalaqyǵa qosa, 1 qyrkúıekten bastap joǵary sanatty muǵalimder, biliktiligi úshin laýazymdyq jalaqysyna 100% kólemde qosymsha aqy alatyn bolady. Memlekettik baǵdarlamada 2015 jylǵa qaraı pedagogterdiń ortasha jalaqysyn jeke sektordaǵy eńbek aqyǵa teńestirý kózdelgen.
Qazirgimen salystyrǵanda eki nemese úsh ese ósedi degen sóz. Bul protsesc bastalyp ta ketti», - dep atap ótti mınıstr.
Sonymen qatar, B. Jumaǵulovtyń sózine qaraǵanda, 1 qyrkúıekten bastap muǵalimder biliktiligine baılanysty eńbekaqylaryna qosymshalar alatyn bolady. Joǵary sanatty muǵalimder men óndiristik oqytý sheberleri bazalyq jalaqysynyń 100%-y kólemde ústeme aqy alatyn bolady.
Mınıstrdiń aıtýynsha, sońǵy 10 jylda bilim berý júıesin qarjylandyrý 7,5 esege artty. ıÝNESKO-nyń derekterine sáıkes, Qazaqstan bilim berýdi damytý ındeksi boıynsha 129 eldiń ishinde tórtinshi orynda.Qazaqstan halyqtyń saýattylyq deńgeıi boıynsha 177 eldiń ishinde 14-shi orynda.
