2015 jylǵa qaraı KO aıasyndaǵy yqpaldasý áseri jıyntyǵy shamamen 400 mlrd. AQSh dollaryn quraıdy
ASTANA. 10 jeltoqsan. QazAqparat - Reseılik sarapshylardyń baǵalaýy boıynsha 2015 jylǵa qaraı Kedendik odaq aıasyndaǵy jalpy ishki ónimniń qosymsha óndirisimen eseptelinetin yqpaldasý áseri jıyntyǵy shamamen 400 mlrd. AQSh dollaryn quraıdy.
Bul týraly «Biryńǵaı ekonomkalyq keńistik. Qurylý máseleleri men bolashaq» atty taqyrypta ótken Máskeý-Astana beınekópiri barysynda EýrAzEQ saýda saıasaty departamentiniń dırektory Vladımır Chýshkın málim etti.
Onyń atap ótýinshe, Biryńǵaı ekonomıkalyq keńistiktiń perspektıvalary týraly arnaıy zertteý júrgizgen reseılik Halyq sharýashylyǵyn boljaý ınstıtýtynyń ekspertteri osyndaı qorytyndyǵa kelgen.
«Bul oraıda yqpaldasý faktorlary esebinen Reseı - 16,8, Belarýs - 16,5 jáne Qazaqstan 14,7 paıyz qosymsha ósim alady», - deıdi ol.
